點解要一錯再錯、唔肯改變?可能因為犯咗「沉沒成本謬誤」

點解要一錯再錯、唔肯改變?可能因為犯咗「沉沒成本謬誤」
Photo Credit: Reuters / 達志影像

我們想讓你知道的是

香港政府及警隊一直不肯承認錯誤、堅持立場,在記者會不斷重複相同論點,可能是犯了「沉沒成本謬誤」。

人類,尤其自以為聰明的人,特別容易犯上沉沒成本謬誤(sunk cost fallacy),因為那些人最不肯認錯,亦即係最容易盲目相信自己、自己的能力、自己的一切⋯⋯

簡單嚟講,沉沒成本謬誤就係過份關注過去已投入了的成本,而忽略了這成本在未來是否真的有效用;即是只關心付出了甚麼,而不是將來會得到甚麼。

例如,你買咗套好貴嘅衫,但後來身形改變而著唔落,又唔捨得掉,然後放咗係衣櫃,仲浪費埋啲空間。又或是,拍咗幾年拖嘅男/女朋友,愛上第二個,但自己仍然唔放手,不停付出,希望以往已投入的感情不會就此作廢,點知愈踩愈深。

而墮入這個陷阱的人,主要因現以下幾種感受或情況︰

  1. 不喜歡失敗的感覺——要改變策略,原因多數是之前定下的策略行不通,變相就是說自己之前的決策出錯。
  2. 完成一些不合理承諾——因為之前曾許諾,就算局勢已完全改變,都只按照承諾而行,不希望變通毁諾。
  3. 希望證明自己的實力——就算眼看前路已是一片黑暗,但仍會假想或向人誇大繼續向這條路行的效益,或甚提倡這是唯一出路,期望得到支持去完成自以為是的使命。
  4. 不想失去已投放的資源——都投入咗咁多錢同時間,總有一絲希望呢啲投入可以忽然起效,又怕離成功只一步卻又放棄了。
  5. 不想改變慣性——無人希望作改變,唔改變嘅工作量一定比改變要來得大。

老實講,此刻真係無人能夠明白政府的司局長及所謂的智庫係諗緊乜,但似乎以上幾點部分都可以用嚟解釋下點解政權及警隊到現在,都仲用緊同一口吻不斷去開唔同嘅記者會。

佢哋唔想承認使用武力是一個失敗的決定,政權及警隊高層亦唔想打破前線的信任,要是一成立獨立調查委員會,有多少「克警」會突然調轉槍頭?而政府及警隊都已押上了其名聲及其職務作賭注,現在死撐還能憧憬贏的一日,但一認輸就只能想著如何接受懲罰。

最後,要諗如何改變得有效用,實在係唔容易,有勇氣去諗都未必有勇氣落實去做,既然改變嘅勇氣唔係人人有,唔變就會自然感到比較舒服。

本文獲授權轉載,原文見作者Facebook專頁

相關文章︰

責任編輯︰鄭家榆
核稿編輯︰歐嘉俊