今日最大假新聞:民建聯支持用《收回土地條例》起公屋

今日最大假新聞:民建聯支持用《收回土地條例》起公屋
圖片來源:民建聯新聞稿(圖片由作者修改)
我們想讓你知道的是

講到自己咁大膽用土收,你估民建聯夠唔夠膽話「直接」用土收收哂發展商啲新界農地?

唸給你聽
powered by Cyberon

(編按:民建聯今(11)日於《東方日報》刊登頭版廣告,稱支持動用《收回土地條例》興建公屋。)

唔該大家睇番清楚民建聯8月29日發表嘅土地政綱,佢哋係話:

(2)……政府應積極推動新發展區及公營房屋項目的規劃,並按《收回土地條例》賦予的權力,徵收發展所需的土地,加快土地供應。

然後再補充番話:

(4) 盡快公佈「土地共享先導計劃」詳情(即公私合營與地產商合作),並主動規劃先導計劃的選址,再邀請業權人參與……若合適的土地無法透過公私合作落實,當局應引用《收回土地條例》收地自行發展。

即係咩?佢唔係無條件支持用《收回土地條例》,而係地產商囤積嘅農地係會先用「公私合營」拍著上,攪唔掂先建議會用徵地嘅方式。同佢大大聲走出嚟登頭版廣告,話支持動用《收回土地條例》起公屋好唔同呀。

即係民建聯而家可以透過一個假新聞廣告民意又要拎、地產商又要益、政府條line又要跟,一箭三雕,只需要喺個傳媒輿論煲大自己係支持收地,唔講收地嘅前提係先幫地產商釋放囤積農地起豪宅,用唔到啲生態敏感地(如南生圍)、小地主嘅地,先至會靠政府收。

講到自己咁大膽用土收,你估民建聯夠唔夠膽話「直接」用《土收》收晒發展商啲新界農地?

消息一出,今日個結果梗係地產股升到嘭嘭聲啦,又扮勇武講用公權力收地,其實又係向地產商跪低利益輸送,根本唔敢收地產商上1,000公頃新界農地土儲,分分鐘可以透過收地產商囤開啲地邊邊做公屋,隨便起路俾地產商釋放隔離嘅囤地起巨型豪宅,元朗橫洲綠化帶益新世界同粉嶺皇后山隔離益恆基就係例子。

所以證明左一樣嘢,就係現屆林鄭政府,或者呢個唔係向市民負責嘅政體,根本就已經俾地產商綁架,未來話要解決房屋嘅深層次問題,就只可以扮做嘢而係冇辦法真正解決。

本文獲本土研究社授權轉載,原文請看

相關文章:

責任編輯:黎家樂
核稿編輯:鄭家榆

或許你會想看
更多『評論』文章 更多『社會』文章 更多『本土研究社』文章
Loader