今日嘅交通唔方便,其實源於平日都無選擇

今日嘅交通唔方便,其實源於平日都無選擇
Photo Credit: Aidan Marzo / Newscom / 達志影像

我們想讓你知道的是

九十年代後期,政府「以鐵路為骨幹」的交通政策,取消大量巴士路線以將乘客轉移至鐵路。一如紅色小巴,到無鐵時分,你就發現你根本好多地方都去唔到。

交通問題絕對是每場大型社會運動的支線劇情。你今日嘅唔方便,其實係源於你平日都無選擇。

紅色小巴根本不應存在

紅色小巴根本唔係文明城市所應該存在嘅產物。紅色小巴源於六七暴動時的非法白牌車,70年合法化。所謂紅色小巴路線並不存在,只係約定俗成。收費、班次全部毫無監管。所以打風落雨,社會運動大幅加價,加到幾多錢都得,上就上,唔上撚就。

我覺得紅色小巴司機無錯,佢無義務去車你——錯就錯在,香港縱容到一種幾乎完全放任嘅公共交通工具。

的士要跟咪錶,專利巴士、綠色小巴有大量收費、班次、路線守則,是公共事業的基本責任。大家習慣約定俗成有條紅色小巴線,佢可以隨時大幅加價、停駛,都無問題。平日你依賴紅色小巴線到旺角,到今日你發現——呢條路線你上唔起,或者唔應該上。但因為你以為路線一直存在,所以社區從來沒有其他alternatives。

另有更多問題,例如司機要承受巨額「入線費」予黑社會,在此不贅了。作為交通膠,我盡可能唔坐紅色小巴,基本上唔納入我交通版圖之內。

保鐵政策

九十年代後期,政府「以鐵路為骨幹」的交通政策,取消大量巴士路線以將乘客轉移至鐵路。一如紅色小巴,到無鐵時分,你就發現你根本好多地方都去唔到(將軍澳人幾乎過唔到海)。歸根究底,根本係平日你都無選擇,從來都無!平日其實唔係你想坐地鐵,只係你無得揀咋。

其實好多巴士線經過改良後都極具競爭力,巴士公司近年開新線,都開得好aggressive,值得支持。可惜,每逢一條新鐵開張,巴士路線都係落得被殺嘅命運——下一條就係沙中線。

如何令巴士變得更快

巴士好慢,兜來兜去——因為大家都迷信,巴士最大優點,係就腳到你樓下。全香港個個就腳,咪慢囉。大家一人行多步,減少巴士站,減少兜路。巴士公司用同樣車務資源,其實可以做到更密更快。2014年雨傘運動,就有大量巴士線要繞過佔領區,反而變得更快更爽(例如98c、98s)。

相關文章︰

責任編輯︰鄭家榆
核稿編輯︰黎家樂