如果睇成龍、方中信學做警察,會變成點?

如果睇成龍、方中信學做警察,會變成點?
《警察故事》截圖

我們想讓你知道的是

100套港產警察電影,起碼有99套有涉及嚴重違反警例情節。以戲論戲的話,無他,拍一個公務員,根本無戲做。但如果喺裡面學點做警察的話,會變成咩警察?

(編按︰警務處處長鄧炳強參加明星足球隊藝人晚宴,其唱歌及發言的影片於網上流傳。)

鄧炳強話:「唔識做警察,睇成龍、方中信,學吓學吓就識。」

首先,100套港產警察電影,起碼有99套有涉及嚴重違反警例情節。以戲論戲的話,無他,拍一個公務員,根本無戲做。但如果喺裡面學點做警察的話:

成龍

《警察故事》系列-陳家駒

極盡英雄主義,無團隊精神,而且多次使用過度武力。但最有趣一點,係陳家駒不斷被上司董驃,林國雄,陳欣健利用簡單幾句說話愚弄或利用,使陳家駒的爛頭卒性格、敏捷身手發揮得極致。到第三集,陳家駒甚至已明白陳欣健董驃扯貓尾,都仲要「中計」。

至於用槍要脅上司(《警察故事》);毆打疑犯及其律師(《警察故事》);公眾地方毆鬥(《警察故事績集》);唔錫女朋友唔細心(集集都係);危險駕駛(《警察故事III超級警察》),都費事講啦。

警察故事
《警察故事》截圖

《重案組》-Eddie Chan

明知自己精神狀態差,仍然拒絕休假,拒絕信任心理專家。到達台灣,在台灣警察柯受良警告後,仍跨境執法。

《福星高照》-雞骨草/鐵力威

鷓鴣菜(洪金寶飾)對同在孤兒院長大的成龍反感,原因為——「細個一齊偷蕃薯,被人捉到就出賣我;大個左同人賭十三張,我派晒啲好牌畀佢,佢贏左一毫子都唔分畀我.......etc.」

《A計劃》-馬如龍

公眾地方毆鬥,帶領水警與陸警於餐廳群毆。

方中信

《鎗王》-苗志舜

在關鍵時刻懦弱,一開始沒有在合情合理合法下挺身而出。都唔緊要——但佢一直以聰明冷靜自居,其實內心已經被怨恨吞噬。最後喺心理不平衡狀態下,繼續「執行職務」引出Rick (張國榮飾)。最後一場戲,苗志舜將個人榮辱愛恨於大庭廣眾解決。

vlcsnap-2020-02-18-02h45m50s877
《槍王》中苗志舜(方中信飾,左二)因為證據不足,無視警察Joe(張民光飾,左一)在證物動手腳後拘捕Rick(張國榮飾,右一)之女友Colleen(黃卓玲飾)。

《Good Take》-澳門治安警

一開始就掛住食宵夜,唔去現場。

《旺角黑夜》-苗志舜

包庇下屬殺人。

《神偷諜影》-Stanley

大反派,香港保安司情報組主任,幕後黑手。

《龍在江湖》-Michael

反黑組警察,暗示臥底下屬落假口供,要求韋吉祥(劉德華飾)代表律師梁詠琪不要代表其當事人。

所以,學成龍、方中信會變成咩警察?定抑話鄧只係講笑,根本完全無睇過成龍,方中信做戲,當撐警藍絲兄弟無到?

本文獲授權轉載。

相關文章︰

責任編輯︰Kayue
核稿編輯︰Alvin


Tags: