安心出Trip:疫情下公費旅行開支竟然倍增!

安心出Trip:疫情下公費旅行開支竟然倍增!
Photo Credit: AP / 達志影像

我們想讓你知道的是

面對財困,政府竟然唔理公眾觀感,繼續「自己獎自己」:每個受惠嘅幸運兒,閒閒地都受資助幾萬蚊,合資格嘅高級公務員每年亦可以攞$8萬公帑去旅行。

疫情及經濟逆轉下,眾多部門要「勒緊褲頭」,但有一項開支一枝獨秀,就係「長期優良服務公費旅行獎勵計劃」,即係獎勵資深公務員去旅行嘅開支[1]:2021-22年預算達$2.46億,係2020-21年嘅實際開支$3,377萬嘅7.3倍,亦比同年嘅核准預算增加85%[2]

政府解釋舊年因為疫情,多達3,430位幸運兒要逼埋今年去旅行。疫情下,飛唔飛到都成為問題,但呢筆開支仍然係2019-20年實際開支(疫情前)嘅兩倍左右,令人百思不得其解。

「公費旅行計劃經濟圈」早已出現,不少旅行社均有「公費旅行獎勵計劃」package,由歐洲巴爾幹半島、非洲撒哈拉沙漠去到風光明媚嘅新西蘭都有,可謂應有盡有[3],係來年全球疫情仍然嚴峻下推行「旅遊氣泡」,邊個會最開心?

152133096_3859332277496150_1827247753652
圖片由作者提供

除此之外,唔係資深嘅公務員都有「度假旅費」津貼:高級公務員例如首長級薪級表第7點或以上嘅公務員,可以一年最多攞$79,050公帑去旅行[4],相關開支係2021-22年亦達到$1.45億[2]

雖然獎勵資深員工去旅行係好多大公司嘅普遍做法,但面對財困,政府竟然唔理公眾觀感,繼續「自己獎自己」:每個受惠嘅幸運兒,閒閒地都受資助幾萬蚊[5],合資格嘅高級公務員每年亦可以攞$8萬公帑去旅行,同樣係8萬蚊,失業市民請求政府支援貸款,竟然要比利息,做埋財仔個份。一邊對市民度縮,一邊對自己人大開水喉,說好的財政紀律去咗邊呢?

註釋:

  1. 長期優良服務公費旅行獎勵計劃「旨在獎勵長期服務而表現持續優良的員工,向獲選 的本地非首長級公務員及其同行人士發放旅行津貼 。」,以往只容許員工同行配偶獲資助,林鄭月娥喺2018年施政報告放寬限制,連員工一名同行親友或長期伴侶都可以獲資助,2017年獲獎人數達2510位。(可參考:公務員事務局長期優良服務公費旅行獎勵計劃立法會:公務員及資助機構員工事務委員會2018年11月19日舉行的會議有關公務員嘉獎計劃的最新背景資料簡介
  2. 2021至22年度財政年度政府財政預算案 總目46-公務員一般開支
  3. 金怡假期:公務員「長期優良服務公費旅行獎勵計劃」旅行團
  4. JeTour:長期優良服務公費旅行獎勵計劃
  5. 公務員事務局:度假旅費
  6. 政府擲1.31億元獎勵2500公務員去旅行 包食住人均資助5.2萬(3-4-2019,TOPick)

文章獲作者授權轉載,題目由編輯稍作修改,原文請看作者Facebook

相關文章:

責任編輯:Alex
核稿編輯:Alvin


Tags: