磨劍十年圓奧運夢,泳將劉彥恩退役留體壇推全民體育

磨劍十年圓奧運夢,泳將劉彥恩退役留體壇推全民體育
Photo Credit: 洪量丰

我們想讓你知道的是

「參與精英體育唔係講緊淨係游嗰個人,你著件港隊衫入場支持,你有睇就已經係㗎喇,⋯⋯其實你係有好多方法去參與 。」

採訪:洪量丰

東京奧運各項目入圍名單塵埃落定,五月底香港游泳隊於維園泳池出戰女子混合泳接力賽,比賽緊湊,全場屏息靜氣,結果港隊最後一擊以0.2秒之微力壓丹麥入奧。那邊廂前奧運游泳代表劉彥恩(Claudia Lau)雖未入場,但同樣於手機螢幕前捏一把汗,「我睇直播都好緊張,今屆睇佢哋衝標,尤其是臨尾得返幾個比賽時,以前啲感覺就返晒嚟。」

五年前劉彥恩正於最後一場達標賽搶得200米背泳的奧運資格,一圓奧運夢,翌年功成身退離開賽場,但兜兜轉轉,她一直於體育圈打滾,希望把精英體育帶進平民百姓家,推動全民投入的體育文化。

RTSLLGF
Photo Credit: Reuters / 達志影像
劉彥恩出戰2016年里約奧運100米背泳預賽。

兩次失落奧運資格激起鬥心

劉彥恩追逐奧運資格的故事,自2007年已開始譜寫。

2008年北京奧運當前,讀中四的她決心休學一年備戰,「學校話可以照返去上堂,唔好完全冇校園生活,淨係練水個人會崩潰,照有社交但唔使考試,游完下年再讀過。」潛心訓練,偏偏衝不破時間的關卡,她於100米背泳以0.23秒之微不達B標(奧運設A、B兩標準,達A標者直接入圍,餘下名額則依世界排名及分配予達B標者),飲恨京奧,「嗰次係冇咁成熟,但之後難度亦一次比一次高。」

時間快轉至2011年,四年的奧運周期再至,這年她面臨十字路口的抉擇,「我有得選擇去美國升大學,又或者留喺香港跟原來教練練多一年。」十五十六,她最後赴美升讀密歇根大學,並於當地隨校隊訓練,身邊人不解她何以冒險於奧運一年前貿然轉到新環境,她解釋運動員亦要考慮未來,「當時諗住就算我達唔到標都好,我都有個學位可以繼續去。」相比08年不達標,這趟征途她再進一步,成績終達B標,惟依然未能入圍,奧運夢再次落空。她記得奧運前隨港隊到英國集訓,明明人在彼邦,過門卻不得入的心情卻激起其鬥心,

「集訓完咗就睇住有份入圍嘅隊友上旅遊巴入選手村,我哋就搭飛機返香港,感覺係唔好受,但我覺得係一個好嘅經歷,諗返轉頭都係自己達唔到標所以先冇得去。」

AP_16220583630559
Photo Credit: AP / 達志影像
圖為劉彥恩(右)出戰2016奧運100米背泳預賽,在她旁邊是來自波蘭的選手Alicja Tchorz。

趕上奧運尾班車

在美國訓練四年,熟悉的奧運達標期重臨,2015年劉彥恩即使已經畢業,但她選擇留美為奧運特訓,破釜沉舟劍指里約奧運。時至2016年六月她要回港出戰最後一場達標賽,並肩訓練多年的隊友如出征般歡送她,「如果我達唔到標就唔會再返去,我都執齊所有嘢,同教練影曬相以為以後唔會再見。」結果盡是歷史,她回港後於200米背泳游出2分09秒33秒的新港績,達到直入奧運的A標門檻,戲劇性趕上奧運尾班車,近十年的追尋在觀眾掌聲下圓夢,

「嗰時泳池電子板係壞嘅,所以我唔知自己游幾多秒,但全部人都喺度嗌,我就知得喇,夢想成真之餘感覺終於做到,好似咁多年努力都冇白費到。」

WhatsApp_Image_2021-06-20_at_16_52_09
Photo Credit: 相片由受訪者提供
經過兩屆失敗後,劉彥恩2016年終登上奧運舞台。

明信片上的成績

劉彥恩自小習慣每次出國會寄明信片回港,又會寫上該次參加海外賽事的成績,遊遍世界各地,她把厚厚一疊明信片放於文件夾中,逐頁翻開,里約的黃卡最為搶眼,該年比賽她分別於100米及200米背泳排第19和第18,賽後她在明信片寫上「It wasn’t easy, but it’s totally worth it!」(很不容易,但完全值得!)。值得不單指比賽成就,更是透過奧運舞台擴闊眼界,

「細個15、16歲做到香港第一已經覺得幾叻,但去埋奧運就會見到自己能力去到世界邊度,當時我游到18、19名,見到其實出面有更加多嘅人游得更加快,呢個係最大最大嘅得著。去得多出面比賽,就會睇呢個運動睇得唔一樣,仲有幾多嘢我係要去學習,be confident and be humble,有信心之餘,都要知道個世界係好大。」

WhatsApp_Image_2021-06-20_at_16_52_09_(2
Photo Credit: 相片由受訪者提供
劉彥恩在里約奧運會與其他外國選手合照。

那張明信片上的郵票其實還有故事,「去到選手村會見到其他國家好出名嘅籃球員都喺晒度,大家一齊食飯都係正常人咁,例如買呢張郵票時,Tom Daley(英國跳水名將)就喺我面前排隊。」

DSC00216
Photo Credit: 洪量丰
倫奧及里約奧運的明信片。
DSC00212
Photo Credit: 洪量丰
劉彥恩記下里約奧運兩項賽事的成績。

「原來體育可以係咁」

奧運過後,劉彥恩有感進步空間不大,2017年戰罷世錦賽後便宣佈退役。離開泳池,劉彥恩離不開體壇,她先赴上海任職於國際運動品牌,後來回港又曾於旺角一商場負責市場推廣,策劃不少體育展覽與活動,學界游泳比賽宣傳、運動攝影展等皆見其身影,她認為香港體育發展或多或少被「精英化」侷限,「我做運動產品公司,問啲同事知唔知幾時奧運、有咩人玩?佢哋係可以唔知,我覺得幾傷心,因為做緊呢個產業嘅人都唔知道。」

在美國這全球體育產業最為蓬勃的國家浸淫多年,她渴望能借鑑經驗促進香港體育氣氛,例如以前讀書的城鎮Ann Arbor(安娜堡)不過是人口十多萬的大學城,但每逢美式足球賽動輒十萬人入場觀賽,全民狂熱,

「成街塞曬車,全世界嘅餐廳酒吧都係圍繞住呢樣嘢去轉,比賽又燈光又戰機表演,呢樣係好誇張,香港好難學到,但你會睇到原來體育可以係咁。講真我初時鬼識美式足球咩,但啲人話你一定要去睇,你去到你就明點解,當你投入到個氣氛,慢慢你都想學識睇。」

RTSLLGK
Photo Credit: Reuters / 達志影像
劉彥恩希望香港體育能打破精英運動的局限。

慶幸仍鍾意游水

從精英走至普及,亦是劉彥恩自身的經歷,她偶爾相約三兩朋友游健康水,享受水底的寧靜和輕鬆,「我鍾意游幾多就游幾多,游夠就上水沖涼,有好多人用咁多年玩一樣運動之後係好唔鍾意,好慶幸我都仲鍾意游水嘅。」放下昔日爭分奪秒的壓力,她發現以往看待游泳的目光太狹窄,

「當你退咗役之後你就唔會有太大追求,例如我我去泳棚游水發現啲人會好早去,去到又可以同啲人傾下偈,嗰時先知啲伯伯原來四點幾就起身行過嚟游,你就發現以前游五點半都已經覺得好早,咁呢啲人咪仲早。」

DSC00250
Photo Credit: 洪量丰
Claudia現時仍會相約好友去游水。

撐自己人

這位年輕的泳客今年將回復運動迷身分欣賞奧運,五年前她在港摘下奧運入場券後,回美訓練借宿於港隊師妹何詩蓓與楊珍美家中,今屆兩人雙雙躋身東京奧運,前者狀態大勇,於200米自由泳更被視為爭牌熱門,劉彥恩直言非常期待其表現,「何詩蓓比上屆成熟咗好多,同埋游水係個好大好大競爭嘅項目,真係冇香港人試過有機會可以爭。」她稱讚何詩蓓的成功絕非偶然,其態度更堪稱運動員模範,「你睇到佢投入嘅程度就知點解佢會咁快,佢好專注場外休息,唔係淨係話喺水入面游得快,而且每次教練要求嘅嘢佢都可以做到,又會好積極同教練溝通。」

疫情未散,今夏東京謝絕遊客,劉彥恩冀市民大眾能齊撐自己人,於電視前見證港將於奧運舞台登場,「參與精英體育唔係講緊淨係游嗰個人,你著件港隊衫入場支持,你有睇就已經係㗎喇,唔好以為自己係要游到何詩蓓、踩車踩到李慧詩咁先係叫參與精英體育,其實你係有好多方法去參與 。」

劉彥恩檔案

  • 出生日期:1992年11月11日(28歲)
  • 項目:游泳
  • 退役年份:2017年
  • 里約奧運成績:100米背泳第19名、200米背泳第18名
  • 曾奪獎項:2010年廣州亞運女子4×100米混合接力銅牌、2014年仁川亞運女子4×100米混合接力銅牌
  • 香港紀錄:長池女子200米背泳(2分09秒33)

責任編輯:Alvin
核稿編輯:Alex


Tags: