政府加碼補貼過渡屋每間55萬,成本緊貼公屋單位

政府加碼補貼過渡屋每間55萬,成本緊貼公屋單位
Photo Credit: Reuters / 達志影像

我們想讓你知道的是

近日立法會文件揚左成份啟動清單出來,成日話搵唔到地原來話有就有,過半選址曝光咗唔少囤積多年嘅地產商私人土儲。

被御為係林鄭房屋新政嘅「過渡性房屋」政策,本來係民間一個「快靚正」嘅解決房屋問題選項,到近年政府搵咗唔少夾地產商拎私人地畀社福機構做,之前已經畀民間批評過變咗幫地產商平整定塊生地嘅「過橋屋」。

近日立法會文件揚咗成份啟動清單出嚟,成日話搵唔到地原來話有就有,過半選址曝光咗唔少囤積多年嘅地產商私人土儲,15,000個臨時單位話咁易輕易「達標」,在任期將至標榜自己房屋政策冇「走數」,又有幾真?

217399910_4270915576337816_2735466564317
圖片由作者提供

成份文件一大「亮點」,可以睇到政府「優化」咗最新過渡性房屋嘅補貼政策,變咗起一間貨櫃屋政府會補貼最多55萬(港幣,下同),對於一間只用幾年貨仔嘅貨櫃屋,成本可以講得上係天價。

對比番55萬補貼一個臨時房屋單位,2021年起一間用到幾十年嘅公屋單位最新建築成本,都只不過係61萬一間。如果塊私人地最後由政府收返繼續做過渡屋就冇可厚非,但如果係拎出嚟幾年就畀地產商收返起豪宅,根本係極度浪費公帑嘅補貼做法,點解政府唔直接收返塊地嚟起公屋?

當然條數唔知伙拍團體之間點claim補貼,但單睇恆地兩塊棕地土儲伙拍「新界社團聯會」起成2,000幾個過渡性房屋,咁已經可以拎成11億政府補貼。而地產商出嚟「免費」平整土地等起豪宅嘅成本,又會唔會可以暗中計咗入去每個單位個55萬補貼裡面?立會文件基本上冇詳細交代,依家立法會亦唔知仲有冇足夠智慧去追問呢個問題。

215742760_4270805099682197_2266537449142
圖片來源:政府當局就過渡性房屋供應的最新進展提供的文件(2021-07-13,立法會)

今次計劃亦狠狠打破咗政府一路以嚟棕地嘅謊言。在選址方面,完全印證咗其實就算幾偏遠嘅棕地都好,都可以拎到出嚟做「資助房屋」,例如位處粉錦公路旁,介乎於林村同橫台山之間嘅「打石湖村」,一直都係棕土集中營。政府成日話因為位置偏遠唔適合收嚟做鄉村式公屋,但係新世界用嚟做居民組群一樣嘅過渡性房屋,起510間4層近千人住,一下變得就得,點解唔慳返成2億補貼直接收咗佢起鄉村式公屋?

211291072_4270773153018725_2649674800818
圖片來源:政府當局就過渡性房屋供應的最新進展提供的文件(2021-07-13,立法會)

如果真係拋55萬一間咁起過渡屋,冇十年經營根本唔抵做,唔係嘅話其實只係幫地產商收起啲土儲過渡起豪宅。但似乎政府為咗急忙交數,明明唔夠公屋居樓,死都唔肯收埋地產商囤積多年嘅土儲,畀佢地夾啲社福團體「過冷河」,補貼到差唔多同起公屋成本冇分別。

參考資料:

本文獲授權轉載,原文可見於作者Facebook

相關文章:

責任編輯:Alex
核稿編輯:Alvin


Tags: