明日大嶼700公頃大縮水

明日大嶼700公頃大縮水
Photo Credit: Reuters / 達志影像

我們想讓你知道的是

做一半唔做一半嘅諗法真係好得意,明明之前講到明日大嶼係個無敵「上乘投資」,咁好嘅投資計劃點解又要大縮水呢?

林鄭今(18)日在《星島》專訪[註]正式宣佈最新「得意諗法」,明日大嶼2期(700公頃)人工島計劃將會「壽終正寢」,指「慢慢先喇……第二日再諗」,意味著明日大嶼將會由1,700公頃大減4成至1,000公頃。

其實在近日發佈的「香港2030+」更新版已有端倪,去到2048年都只係預咗明日大嶼新增1,000公頃土地,與今日所指「唔一定要做」700公頃基本吻合。

做一半唔做一半嘅諗法真係好得意,明明之前講到明日大嶼係個無敵「上乘投資」,咁好嘅投資計劃點解又要大縮水呢?最新又話新界北係「必賺生意」,按此邏輯,點解唔全部一齊開發賣地賣樓賺到笑呢?

245116426_4560234074072630_6031563520734
圖片由作者提供
「香港2030+」第2期已經消失。

而單從成本效益上,人工島縮水4成令明日大嶼計劃更加不知所謂,啲千億基建做好晒,但海就填一半,將會更不化算,理據更加難以支撐。

當然,人工島計劃本身已經是多餘,多到連近日都話要填到要儲,長遠規劃上,在長遠土地需求(2600公頃至3000公頃)外額外再做多1,100公頃(總計4100公頃)曬太陽,先唔講係咪真係有咁多經濟土地需求,數字透露出其實連明日大嶼第一期(1000公頃)都唔駛做,長遠土地供應都綽綽有餘。

今日專訪稱因為明日大嶼都係「願景」,唔代表一定要做,亦唔代表一定唔做。咁隔多陣又換個領導,原有話一定要做嘅,又會唔會另有新得意諗法,令明日大嶼這個林鄭任內旗艦項目,像80年代那時一樣再度爛尾呢?

244995109_4560129897416381_3243750498941
圖片由作者提供

必須提醒,明日大嶼正式諮詢時間下年才開始,依家林鄭已經急著話明日大嶼要做什麼不做什麼,基本上已經提早宣佈假諮詢遊戲提早結束。

但無論如何,可見香港土地政策已經進入全面動盪期,遊戲玩法轉變,各種「願景」隨時變很大,有啲跌咗就唔好搵。

註:專訪|明日大嶼第二期700公頃 林鄭:慢慢先喇(18-10-2021,星島日報)

本文獲授權轉載,原文可見於作者Facebook

相關文章:

責任編輯:Alex
核稿編輯:Alvin


猜你喜歡

Tags: