1991年6月23日 大埔廣福道一宗搶劫案

1991年6月23日 大埔廣福道一宗搶劫案
1991年6月24日《華僑日報》頭版,圖片由作者提供。

我們想讓你知道的是

近日上映的電影《樹大招風》,以三名活躍於八、九十年代香港的悍匪為藍本。本文作者憶述4歲時一宗搶劫案期間的經歷。

大埔公園仔四里,我家人稱為食街嘅地方,喺90年代一直有好多熟食小販擺賣。

1991年6月23日星期日,我媽媽帶住我喺公園仔廣福里一個角落食腸粉。

突然之間,成條街嘅人唔知做咩狂跑,我媽亦立刻拉住我走。

但我用力拉返我媽轉頭,因為成碟腸粉只係食咗一條,就被遺棄係公園嘅石壆。正所謂惜食大嘥鬼,我對我媽浪費食物同埋喺街頭遺棄腸粉相當有意見。

我好清晰記得我拉返我媽轉頭,指住碟腸粉嘅時候,我媽嘅無助。

之後媽咪抱住我入咗間Boutique,Boutique落閘。不過我好記得,係大家確定安全之後,喺Boutique避難既人,開始揀衫(唔包括我同我老母)。

匪徒之後騎劫一部新界的士,再係禾輋騎劫另一部紅色的士向城門隧道方向行駛,(啲賊都知新界的士唔可以去沙田同荃灣)去到城門隧道入口就被截停。匪徒最後落車逃至大圍香粉寮村就擒。

文首圖片為《華僑日報》頭版,涉案的廣福道華誠珠寶金行至今仍在營業。

P.S. 右下為1991年香港小姐冠軍郭藹明、亞軍周嘉玲及季軍蔡少芬。

本文獲授權轉載,原本見作者facebook

責任編輯:tnlhk
核稿編輯︰周雪君


Tags: