劉慧卿︰最尊重選民決定 如市民贊成暴力 出現暴力議員亦不出奇

劉慧卿︰最尊重選民決定 如市民贊成暴力 出現暴力議員亦不出奇
Photo Credit: Kin Cheung / AP Photo / 達志影像
我們想讓你知道的是

《明報》引述劉慧卿指「啲票喺我度」,引起不少批評、反駁及回應,然而這句劉的原意並非指「選票屬於民主黨」。

唸給你聽
powered by Cyberon

立法會議員、民主黨主席劉慧卿今早出席DBC數碼電台節目《早晨八達通》,談論新界東補選、高鐵會議佔領主席台、版權條例修訂案等議題。

《明報》報導劉慧卿於節目中指民主黨不怕9月的立法會選舉被本土派「鎅票」,並引述一句「鎅咩票,啲票喺我度,我相信大部分人都反對暴力」,引起網絡熱議。

更新︰《明報》已更正報導,並向民主黨、劉慧卿及讀者致歉。)

學民思潮召集人黃之鋒在Facebook轉貼新聞時,把上句跟於補選勝出的楊岳橋言論比較,認為兩者「差天共地」,並指「民主黨搞成咁真係有原因」。

楊岳橋:「票唔係我嘅,係選民比嘅」劉慧卿:「鎅咩票,啲票喺我度,我相信大部分人都反對暴力」真係差天共地,民主黨搞成咁真係有原因。

Posted by 黃之鋒 Joshua on Monday, February 29, 2016

本土民主前線亦重貼其候選人梁天琦的訪問,回應劉慧卿︰

回應阿四方議員「啲票喺我度」論。#我替楊岳橋感到可憐#食晒啲票咪係你囉#四方西

Posted by 本土民主前線 on Monday, February 29, 2016

翻聽DBC的電台節目錄音,可發現劉慧卿未有提到「鎅咩票,啲票喺我度,我相信大部分人都反對暴力」——至少不是「我有民意支持」的意思。在該節目8時半至9時的環節中,劉強調尊重選民決定,假若提出激烈/暴力抗爭路線的人能選入議會,那是選民的選擇。

引起爭議的一句,其實由兩段說話組成。首先,劉慧卿指「我從來無講『鎅票』,鎅咩啫?嗰票喺我手,我投畀邊個關你乜事啫?」,意思是選民有權選擇投給哪位候選人,而非指「選票都屬於民主黨」。

而「我相信大部分人都反對暴力」這半句,節目中並非緊接上句,而是在大約兩分鐘後出現。在該段中劉慧卿表示,如果她(相信大部份市民不贊同暴力)是錯的,那麼有支持暴力的議員進入議會不出為奇。

換言之,《明報》引述那句應是把劉慧卿的說話「移花接木」所致,並非其原意。以下三段文字來自DBC節目8時半至9時環節劉的發言,供讀者參考,讀者亦可按連結前往收聽節目(須先申請免費帳戶)。

約6分03秒開始︰

我最尊重、最尊敬就係選民嘅決定,而我哋香港雖然無民主,連緬甸都不如,但都仍然喺立法會呢三十幾席嗰度呢俾人自由去參選。你攞到100個提名你就去,咁無人要改呢個制度啦,咁你姓陳姓黃姓乜,你有本事你咪去選囉。咁我都話喇,上一屆我哋9個議席有19條隊,咁你走嚟新東你搞48條隊吖笨。無緊要架,你要選,而又有人選到你喎,咁去投票嗰啲人…所以我從來無講「鎅票」,鎅咩啫?嗰票喺我手,我投畀邊個關你乜事啫?咁所以佢又投到喎,又按呢個制度,係最高票嗰9位喎,佢入到去,咁咪祝香港好運囉。

約7分11秒開始︰

嗱一,我唔會鬧去參選啲人啦,因為你合法吖嘛。我更加唔會鬧選佢入去嗰啲選民,咁我嘈咩啫?我有乜好講啫。咁你入到去你鍾意搞咩,議事規則容許你你咪做囉,唔容許嘅,你做,咁如果個主席係要趕你嘅,或者要懲罰你又得,咁規矩就喺咗度架喇,有乜辦法呢?

約7分55秒開始︰

因為我頭先講呢,我係相信大部份嘅香港市民係唔贊成暴力嘅。咁如果我係錯嘅,原來有好多係贊成,每一個區都夠票,唔好講一個吖,選兩個入去嘅,咁我就話「啊原來香港好贊成暴力」。咁如果贊成暴力,有暴力嘅議員入到去唔出奇架喎,有咁嘅選民就有咁嘅議員囉,係有咁嘅市場佢咪出嚟試吓囉。