王維基:我撐三跑高鐵,唔鍾意可以唔選我,但你要出來投票

王維基:我撐三跑高鐵,唔鍾意可以唔選我,但你要出來投票
王維基|攝影:關鍵評論網
我們想讓你知道的是

「我只是提出一個可行計劃,不保證一定成功,因為最後得靠香港人。如果咁簡單香港人都不願做,就唔好再怨北京。」成個訪問,最認同這句。

唸給你聽
powered by Cyberon

同王維基做訪問,我得到一個印象︰呢個人只要立定主意做一件事,會去到好盡,包括「食屎」。

我問他︰你說Anyone but CY(ABC),葉劉淑儀你覺得都OK?

「假如你擺出一坨狗屎、一坨貓屎叫我食,兩樣都好難食,你話一定要揀,咁我食貓屎囉。我係話,無人會差得過梁振英。」

「我覺得香港人比較接受的是曾俊華同曾鈺成。曾鈺成,大家知他左派背景,但香港人好成熟,政治理念大家可能分左右,但最重要是有人性的、講真心話的。最恐怖不是左派,而是大話精。」

「我寧願沒有行政長官,由三位司長搞掂。無人做好過由壞人做。」

由綠白表不分到不排除選特首

為了達到換特首目標,王維基本來連申請居屋的白表同綠表都分不清,幾個月下來,整理出香港各大重要議題,對於一個政治素人,可以是千頭萬緒,但王維基話唔算難。

「我讀完之後又唔覺得好難搞,係唔明白點解香港好多嘢都可以搞到咁差。好多事其實有solution。」

縱橫商場多年,由90年代初搞IDD長途電話生意,到後來的香港寬頻、香港電視,王維基都是以破格、打逆境波稱著,今次亦不例外,一話參選,先掟出的solution是4萬字政綱,網民認為似選特首多過立法會。

RTX14DI0
photo credit: REUTERS/Tyrone Siu/達志影像

「我是政治初哥,唔知道自己這方面的能力如何,無信心自己是個好的人選,但不需要想太遠,擺在眼前的曾俊華,好明顯佢想選。曾鈺成都想選,好明顯。如果當年袋咗先,這兩個人已經出來選了。我覺得是泛民為了拗氣而拖垮政改,累左香港。」

不要想太遠,但我想起梁振英「N年不選特首」金句,而王維基facebook的自我介紹,有句「心有多大,舞台有多大」,所以實在忍不住諗多咗︰你不會排除將來選特首的可能性吧?

「在座幾位年輕人,都不會排除自己有一日可以做特首吧?(咦?我有舉手表示自我排除)。這些事無謂講,我只是剛剛行入這圈子,從來不是政治人,口直心快,好多人勸我不要從政,說是性格不適合,很易得罪人。」

「你可以唔選我 但我無呃你」

我不認為政治人都有種「不易得罪人」的特質,反而情況好像剛好相反。若論特質,王維基倒有種難以說得清的特質。他既不是建制又不是泛民,他支持一人一票選特首,認為發展經濟不可靠大陸,主張取消立法會功能組別,但他同時支持起三跑、高鐵,不支持標準工時,佢個政綱完全套唔上香港人對咗十幾年的兩個package︰建制同泛民主派。

「今時今日要寫一個民粹的,要攞到網民支持的政綱,要反三跑反高鐵有何難?我是硬著頭皮講出心目中認為香港人應該行的路。」

「作為議員或政治家就要夠膽講:我係咁諗,你可以唔選我,唔緊要,不過我無呃你。我清楚話你知,撐高鐵,但唔係咁起法,唔係亂花錢,做錯的官要下馬,但高鐵唔可以放棄,因為放棄了,以後香港同內地的鐵路網就disconnect。放棄三跑,航空公司就會搬走。香港唔可以因為成本貴而停工,那是玩完。」

ABC無新意但practical 基本上是要癱瘓政府

出身工程師,王維基經常強調自己好practical(實際)。提出ABC(Anyone but CY)雖然了無新意,但有可行方案。

「我成個政綱好practical,要取35席(倒梁議員),只要夠數,梁振英一定要落台。不信任動議是否通過不成問題,也不用拉布,因為不會有人加入梁振英管治團隊。大家知道,只要有35席倒梁,什麼議案都不會通過,包括財政預算案,基本上是癱瘓政府。」

「曾經有位年輕專業人士打電話畀我,他說:RICKY,你不要拉梁振英下台,無咗佢我哋就無嘢玩,香港唔亂,我哋呢班新興政治團隊就死晒。我識佢唔算耐,聽了好心傷,點解會咁諗?我想講,我是代表那些認同香港今日是得來不易的人,希望在有商有量下平穩發展。藍圖好清晰:35席,推翻梁振英,換一個夠膽同中央爭取普選的人。」

對於這個計劃,他說關鍵在於投票率。向來較高投票率的港島區,2004年見過57.62%,是最高紀錄,從未上過60%。王維基說,只要今次每區投票率多5-8%,就有足夠力量把左派所謂鐵票效應全面沖淡。他的目標是380萬選民中,有65%出來投票。

「只要在9月4日出來,揀一個你喜歡的泛民議員就OK。我提出一個可行計劃,不保證一定成功,因為最後得靠香港人。如果咁簡單都不願做,就唔好再怨北京。」

RTX14DHX
Photo Credit: Tyrone Siu / REUTERS / 達志影像
選唔上都要廢佢武功

萬一不夠35席又選到入立法會那怎辦?王維基話無論是否入到立法會都會推動電子投票計劃,初步會自己出資,希望其他政黨後來加入一齊做。

「直接民主是世界潮流,希望初期做到有三、五十萬人直接表態。未來10年8年,在得取得一人一票前,這個電子系統可以令政府就多項重要政策取得民意傾向,majority view。10-15年後可以發展成有法定效力的投票制度。」

直接民主這「世界潮流」最近迎來痛擊。英國脫歐公投,被抨為把主宰國家前途甚至影響歐洲穩定的頭等大事,用一個簡單yes/no來定奪,公投後發現原來連脫歐推手都沒有好好想過如何脫歐。王維基認為不可以因此而懷疑直接民主。

「我唔會咁諗,咁樣其實好矛盾,即是連一人一票選行政長官都要懷疑?要擁抱以前的精英治港?我認為有了電子投票系統後,好自然會提升公民意識,有重要議題大家會討論。施政不可以再是一個司長局長說了算,特首意願係A,投票顯示市民揀B,佢唔可以逆民意而行㗎,某程度上是廢咗特首武功。」

聽起來像是王維基的plan B。都說,這個人要做一件事,係會窮盡所有方法。

後記

王維基宣布參選後,不少評論對他提出質疑:為什麼要信這個人、大家不要為建制派抬轎。這些,他都不以為然,唯獨是問可有計過自己的勝算,他有點激動。

「你覺得我好恨做議員咩?⋯⋯如果你覺得我王維基是為了在立法會坐4年覺得好享受好開心,一定錯。」「我敢講,我fans多過好多立法會議員,有人叫我唔好搞咁多嘢,唔講咁多政治諗法,可能仲多fans,但我一定要講清楚。我無得益、無計算,最憎就係呢啲野,做生意要計,從政嘅,計算就係政客、政棍,我做咩要做政棍。」

這位政壇初哥,截至訪問當日,展開了落區生涯3日半,他說非常享受。每天7點半會落區,黃昏再去。

「落區好開心,每日都有人同我講,支持我參選,有啲話以前好多年都不投票,因為揀唔落手,但今年會投。我唔係要贏公民黨、民主黨,咁諗好傻,我要贏那些過去無出來投票的人,由57.62%去到65%,我就係要贏多出來嗰啲。」

13615405_1168804829806589_38746705795771
Photo Credit: 王維基

有鬥心、有決心、有錢、有口才、有膽色、有諗法,無論你信唔信王維基,都得承認,他具備了不少從政者的條件。所以,最後一項——公眾對從政者的品格預期,一定要問︰你早前表明婚姻狀況有變,是否已經恰當地處理這個問題?

「已經處理,但法律程序需時9個月至1年時間,我只可以話可以做的已經做了。」

核稿編輯:鄭家榆