梁天琦:我做咗政棍......如果所有嘢輸哂,代表政治唔啱我

梁天琦:我做咗政棍......如果所有嘢輸哂,代表政治唔啱我
Photo Credit: 蕭雲
我們想讓你知道的是

梁天琦:如果咁樣都輸。即係話,有本咁嘅基本法,有個咁嘅政權,我冇可能進入議會。

唸給你聽
powered by Cyberon

問:考慮了多久?

梁天琦:諗咗兩個禮拜。

問:有冇掙扎?

梁天琦:梗係有,做咗政棍喎。

問:可以引述?

梁天琦:照引。依個係陷阱。明知行政手段不合法,但點都要用,就係唔想我入到立法會。如果我企喺道德高地,會型好多,舒服好多,講說話都大聲啲。但政府嘅目的就會達到。朋友勸我讀韋伯〈政治作為一項志業〉。政治家需要有三種特質,熱情、責任心、判斷力。政治不能只有熱情。還要保持責任心,踏實地追求理想;還要維持判斷力,冷靜地面對現實。不能只顧意圖而不理目標,熱中於「沒有結果的亢奮」。為了目標,要保持強韌和克制。依篇文開解到我。經歷過雨革到而家,目標就係政治嘅秩序必須要大洗牌。

***

問:容我直言。本土派盛行的一些風尚,比如玩膠、霸氣,在圈子內叫好叫座;但在圈子以外,完全是另一回事。你之所以重要,因為你是第一個支持度能夠突破圈子的本土派。圈子外的市民,很難理解你現在的決定,如何面對名望的傷害?

梁天琦:當初我加入本民前,就係答應黃台仰,能夠代表本民前參選立會,九月贏俾佢睇,我好想做到應承佢地嘅事。好多唔想發生嘅事都發生,黃台仰完全無俾我壓力,一再勸我唔好選,被政治迫害後光環仲大。

我問番佢,咁之後點呢?而家我地公開行動,警察就會嚴密佈防,過去嘅方式好難繼續。除左議會,而家嘅我都唔知可以幫到咩。企喺道德高地,保住自己光環,但未必係成效最好嘅選擇,某程度係沽名釣譽。本土派需要一個代議士。我有冇得選,輸定贏,結果好快就知。

***

問:有沒有顧慮最壞的後果。認左低威,但選管會始終玩殘你?

梁天琦:梗係諗過。所有嘢都輸哂,代表政治唔啱我。如果咁樣都輸。即係話,有本咁嘅基本法,有個咁嘅政權,我冇可能進入議會。

本文獲授權轉載,作者facebook

相關文章︰

責任編輯:周雪君
核稿編輯:王陽翎(于非)