黃之鋒、黃浩銘有入冇出 婆婆在庭上吶喊 「我預咗坐監」

黃之鋒、黃浩銘有入冇出 婆婆在庭上吶喊 「我預咗坐監」
photo credit: 蕭雲
我們想讓你知道的是

王婆婆:「我真係做唔到啲咩......我希望提個官,我地係為公民抗命出嚟架!」

唸給你聽
powered by Cyberon

陳慶偉法官判黃之鋒、黃浩銘佔旺罪成入獄。及至尾聲,庭上有婆婆哭喊:「我要真普選!」

她再朝陳官喊:「還返真普選畀我!」

陳官凝視了她好一會,才正式宣布休庭,押後審理能否保釋。

叫喊惹來一陣騷動。離開法庭後,公眾都勸婆婆冷靜,法官可即場召警拘捕。

但王婆婆不為所動。「我已經預咗。」

「我忍唔到。我預咗坐監,法官可以告我藐視法庭,唔緊要。」

「我唔熟政治,我冇影響力,我唔知有咩可以做......」

她直言時下年輕人「嬌生慣養」,尤其是機不離手,沒有手機一日已很難捱。

但她自言根本不愛用手機。而且身體愈來愈差,不清楚還有幾年命,所以坐監對她而言沒所謂。「年紀愈大,時間就過得愈快。」

她解釋在傘運已曾為民主留守被捕,但政府「特登放咗我地,專揀啲後生仔去告。」

「我真係做唔到啲咩......我希望提個官,我地係為公民抗命出嚟架!」

「個政權成日話佢啱,佢怕咩面對群眾,一人一票公平地投票?係公平呀!唔係私利!我哋唔係反對派,我哋要公平呀!」

「我地爭取嘅嘢好簡單啫,就係公平嘅真普選。點解條路咁慢長......」

「冇真普選,法治根本唔可以維持,早已經冧檔。真普選係我唯一嘅願望,冇其他。」

本文獲授權轉載。作者Facebook

責任編輯:周雪君

核稿編輯:王陽翎

或許你會想看
更多『評論』文章 更多『政治』文章 更多『蕭雲』文章
Loader